பேரா மாநிலத் தலைமையாசிரியர் கழகப் பொதுக்கூட்டம்

@சுப.சற்குணன் புறவம் - May 27, 2018

பேரா மாநிலத் தமிழ்ப்பள்ளித் தலைமையாசிரியர் கழகத்தின் 26ஆம் ஆண்டுப் பொதுக்கூட்டம் கடந்த 24.05.2018 வியாழக்கிழமையன்று ஈப்போ எக்செல்சியல் விடுதியில் நிகழ்ந்தது.

*பேரா மாநிலக் கல்வி இயக்குநர் டத்தோ மாட் வாசிம் பின் இட்ரிஸ் இந்தக் கூட்டத்தில் சிறப்பு விருந்தினராகக் கலந்துகொண்டு திறப்புரை ஆற்றினார்.

*கழகத்தின் தலைவர் ந.பத்மநாதன் தலைமையுரை ஆற்றினார்.

*ஆலோசகரும் பேரா மாநிலத் தமிழ்ப்பள்ளி அமைப்பாளருமான சுப.சற்குணன் ஆலோசர்கள் உரை வழங்கியதோடு தேர்தலை வழிநடத்தினார்.

*செர்சோனீசு தோட்டத் தமிழ்ப்பள்ளி, பூலோ ஆக்கார் தமிழ்ப்பள்ளி, பீடோர் துன் சம்பந்தன் தமிழ்ப்பள்ளி ஆகிய மூன்று பள்ளிகளின் சாதனைகள் காணொலிக் காட்சியாகப் படைக்கப்பட்டது.

*2018ஆம் ஆண்டின் முதல் ஐந்து மாதங்களில் பேரா மாநிலத் தமிழ்ப்பள்ளிகள் அடைந்த வெற்றிகளும் சாதனைக் கதைகளும் திறமுனைக் காட்சியாகப் படைக்கப்பட்டது.

*இந்த ஆண்டுக் கூட்டத்தில் பேரா மநிலத் தமிழ்ப்பள்ளித் தலைமையாசிரியர் கழகத்தின் புதிய தலைவராக பத்மநாதனும் துணைத்தலைவராக மு.அர்ச்சுணனும் தெரிவு செய்யப்பட்டனர். பொருளாளராக இரா.கணேசன் தேர்ந்தெடுக்கப்படார்.

*இறுதியாக, செயலாளர் ஜெயக்குமாரின் நன்றியுரையுடன் ஆண்டுப் பொதுக்கூட்டம் நிறைவடைந்தது.

*பேரா மாநிலத் தமிழ்ப்பள்ளித் தலைமையாசிரியர்கள் 110 பேர் இந்தக் கூட்டத்தில் கலந்துகொண்டனர்.